MERE DIL MEIN HE YAAD-E-MOHAMMAD NAAT LYRICS

 

MERE DIL MEIN HE YAAD-E-MOHAMMAD NAAT LYRICS

Mere Dil Mein He Yaad-E-Mohammad
Mere Ho’ton Pe Zikr-E-Madinah
Tajdaar-E-Haram Ke Karam Se
Aagaya Zindagii Ka Qarena

Mein Ghulaam-E-Ghulaman-E-Ahmad
Mein Sag-E-Aastan-E-Mohammad
Qabil-E-Fakhar He Mawt Mere
Qabal-E-Rashk He Mera Jeena

Har Khata Par Mere Chashm Poshi
Har Talab Pe Ataaon Ki Baarash
Muj Gunahgar Pe Kis Qadar Hein
Mehrban Tajdar-E-Madinah

Dil Shakasta He Mera To Kya Gham
Is Mein Rehte Hae Shah-E-Doh Aalam
Jab Se Mehmaan Huwe Hain Wo Dil Mein
Dil Mera Ban Gaya Hein Madinah

Mujh Ko Tofan Ki Mojun Ka Kya Gham
Wo Guzar Jaye Ga Rukh Badal Kar
Na Khuda Hein Mere Jab Mohammad
Kese Dobe Ga Mera Safena.